२ मे २०१७ रोजी संस्थेचे तत्कालीन सचिव कै. श्यामसुंदरजी भार्गव आणि माजी मुख्याध्यापिका सौ. उषा शिंदे यांच्या संकल्पनेतून ही योजना सुरू झाली. अनाथ, निराधार आणि अत्यंत गरीब कुटुंबातील विद्यार्थिनींचे शालेय शुल्क, गणवेश, पुस्तके आणि शैक्षणिक साहित्याचा संपूर्ण खर्च या योजनेद्वारे केला जातो. संस्थेचे पदाधिकारी, शिक्षक, माजी विद्यार्थिनी आणि दानशूर व्यक्ती गरजू मुलींना दत्तक घेतात. प्रत्येक वर्गातून १ ते ३ विद्यार्थिनींची या योजनेसाठी निवड केली जाते.

शाळेच्या छतावर ३० अत्याधुनिक सोलर पॅनल्सचा १० किलोवॅट क्षमतेचा सौर ऊर्जा प्रकल्प उभारण्यात आला आहे. निर्माण होणारी हरित वीज महाराष्ट्र राज्य वीज मंडळाला दिली जाते. यामुळे संस्थेची वीज बचत होते आणि विद्यार्थिनींना सौर ऊर्जेचे प्रत्यक्ष प्रात्यक्षिक अनुभवता येते.